Familiak elkartera lehen aldiz etortzen direnean zerbitzu honetan ematen zaie arreta. Gizarte-langilea da horren arduraduna, eta bere eginkizuna pertsonari harrera, zuzeneko arreta eta babes emozionala ematea da, haren beharrak aktiboki entzunez eta prozesuan lagunduz.

Horregatik, hasierako kontsulta horretan familia zerk kezkatzen duen zehazten da, eta egoeraren arabera egokienak diren zerbitzuei buruzko informazioa eta orientazioa ematen zaio.

Guregana etortzen diren familiek azaltzen dizkiguten zalantza eta arazo ohikoenak honako hauek dira:

"Bikote-arazoak ditugu, baina ez dugu dibortziatu nahi".

"Dibortziatu nahi dut eta ez dakit zer egin behar dudan".

"Dibortziatu egingo gara eta umeekin kezkatuta gaude. Nola esango diogu? Ondo moldatuko dira? Zer egin behar dugu laguntzeko? "

"Dibortziatu egin naiz eta galduta nago. Porrot egin dudala sentitzen dut, nire mundua behera etorri dela eta ez dudala ezertarako gogorik ".

"Ez dugu bikote-arazorik, baina laguntza behar dugu semearekin; 15 urte ditu, ordenagailuan ematen du eguna, ikasturtea errepikatuko du eta ez digu ezertan kasurik egiten. Etsita gaude berarekin ".

"Aspaldi dibortziatu nintzen eta arazoak ditut bikotekide ohiarekin. Ez du hitzarmen arautzailea betetzen eta haurrekin dudan denbora oztopatzen dit, baldintzatu egiten ditu, eta ez dakit zer egin ".

"Urtebete da ez dudala biloba ikusten, eztabaida gogorra izan nuelako semearekin. Harrezkero ez dit ikusten uzten. Zer egin dezaket? "

"Haurrak dituen jendea ezagutu nahi dut asteburuetan ateratzeko eta alabarekin planak egin ahal izateko, banandu nintzenetik nahiko bakarrik bainago".